Әлмәт татар дәүләт драма театры Морбашка һәм Сарманга киләчәк

Март аенда Әлмәт татар дәүләт драма театры оешуга 70 ел тула. Театр Казан шәһәрендә юбилей гастрольләрен уздырды, бу көннәрдә республика районнарында чыгыш ясый. Бу театрда Сарман районы егетләре дә эшли. Эдуард Латыйпов, Нәфис Габдрахманов, Раушан Мөхәммәтҗанов бүген инде театрда үзләренең урынын тапкан талантлы артистлар.

Бу айда Әлмәт татар дәүләт драма театры безнең районда да булып китә: алар 19 февральда Морбаш авылында "Кызлар килде авылга" музыкаль комедиясен, 25 февральда Сарманда "Студентлар 3D" комедиясен уйныйлар.