Слайдер

Район башлыгы Фәрит Хөснуллин, хәрби-патриотик тәрбия оешмалары җитәкчеләре, яшь армиячеләр Бөек Ватан сугышында һәлак булганнар истәлегенә тере чәчәкләр, веноклар салдылар. Аннары Фәрит Мөнәвирович район Башкарма комитеты җитәкчесе урынбасары Индира Сәхипова белән бергә район ветераннарын котларга барды. Һәр авыл җирлегендә ветераннар өчен хореография һәм җыр коллективлары чыгышлары рәвешендә мини-бәйрәмнәр оештырылды. Соңрак сәфәргә Татарстан Республикасында Суд департаменты идарәсе башлыгы Җәүдәт Салихов та кушылды. Башкарма комитет ФОТО:https://sarmanovo.tatarstan.ru/tat/pressa/sarmanovo_foto.htm/photoreport/6427419.htm

“Демография” милли проекты, шулай ук “Ныклы гаилә” федераль партия проекты кысаларында, ТР Министрлар Кабинетының ГХАТ идарәсе, Мәдәният министрлыгы ярдәме белән 2020 елның февраль аеннан май аена кадәр республиканың 21 районында “Әниләр һәм бәбиләр” дигән музыкаль гаилә проект үткәрелә. Сарманга, шулай итеп, Илсур Гыймадиев һәм Лилия Муллагалиева, Илназ Баһ һәм Гүзәл Идрисова, Илсур һәм Гөлназ Шәрипҗановлар, Ришат һәм Айгөл Шәйхетдиновлар, Максим Куприянов һәм Зәмирә Рәҗәповалар балалары белән килгәннәр иде. Алар бергәләп матур-матур җырлар башкардылар, уен коралларында уйнадылар, гаиләләре белән таныштырдылар, кыскасы, Сарман сәхнәсен гөрләттеләр.

Әлеге чара районда беренче тапкыр уздырыла һәм ул зур бәйрәм төсен алды.

Реконструкциядән соң Россия Эчке эшләр министрлыгының Сарман районы буенча бүлеге бинасы ачылды. Аны ачу тантанасында Татарстан Республикасы буенча эчке эшләр министры Артем Хохорин, якташыбыз – Татарстан Республикасы буенча баш федераль инспектор Ринат Тимерҗанов, муниципаль район башлыгы Фәрит Хөснуллин, эчке эшләр органнары ветераннары, башка мәртәбәле кунаклар катнаштылар. Артем Хохорин әлеге бинаның Федераль программа кысаларында реконструкцияләнүен һәм аңа 100 миллион сумнан артык акча бүленүен әйтте. Аны файдалануга тапшыруның эчке эшләр хезмәткәрләренең һөнәри бәйрәмнәренә зур бүләк булуын билгеләп үтте. Бинаны реконструкцияләү эшләренә зур өлеш кертүчеләргә рәхмәт сүзләре белән берочтан бүләкләр дә тапшырылды. Россия Эчке эшләр министрлыгының Сарман районы буенча бүлеге начальнигы Газинур Мортазинга бүлеккә эш машинасы ачкычы, компьютер техникасы алу өчен сертификат, бинаның символик ачкычы тапшырылды. Һөнәри вазифаларын үтәгәндә һәлак булган эчке эшләр органнары хезмәткәрләре хөрмәтенә куелган стелага чәчәкләр салганнан соң, кунаклар бина эченә үттеләр, андагы эш шартлары белән таныштылар.

Аңа хезмәт уңышлары белән килгән игенчеләрне, терлекчеләрне муниципаль район башлыгы Фәрит Хөснуллин, ТР Суд департаменты идарәсе җитәкчесе Җәүдәт Салихов, Дәүләт техник күзәтчелеге идарәсе начальнигы Радик Зиятдинов котладылар, Хөкүмәт бүләкләре, Рәхмәт хатлары тапшырдылар. Район мәдәният йортына җыелган бәйрәм кунакларына Салават Фәтхетдинов һәм аның "Салават" җыр төркеме артистлары концерты тәкъдим ителде.

Кайчандыр Сарман районына кергән бу авылда легендар җырчыбыз Илһам Шакиров туган. 14 сентябрь көнне, якташыбызга багышлап, аның туган авылында зур чара үтте. Анда район Башкарма комитеты җитәкчесе урынбасары Индира Сәхипова җитәкчелегендә район делегациясе дә катнашты. Чара кысаларында бик күп кунаклар чакырулы иде. Алар “Илһам чишмәсе”ндә, җырчының музеенда булдылар. Бу көнне авылга Казаннан бик күп җырчылар да килде – Рәшит Ваһапов исемендәге фестиваль узды.

Ул Сарман урта мәктәбе базасында эшләп килүче “Олимпия өметләре” балалар сәламәтләндерү лагеренең профиль сменасында булды, аның эшчәнлеге, балаларның яшәү, ял һәм туклану шартлары белән танышты. Аерым алганда, балалар яши торган бүлмәләрне, спортзалны карады, ашханәдә булды, продуктлар белән тәэмин ителеш, аларның сакланышы, меню һәм башка документлар белән танышты. Шәфкать туташы бүлмәсендә булып, балаларның иминлеге һәм сәламәтлегенә кагылышлы мәсьәләләр белән кызыксынды.

Сарманлылар район үзәгендәге Ял паркында Гаилә, мәхәббәт һәм тугрылык көнен билгеләп үттеләр. Аларны бәйрәм белән район башлыгы Фәрит Хөснуллин тәбрикләде, барлык гаиләләргә сәламәтлек, ныклык, иминлек һәм бәхет теләде. Ул шулай ук Сарманда 55 ел бергә тату һәм матур гомер кичергән, итагатьле өч бала тәрбияләп үстергән Әзһәт һәм Гөлнур Хөснуллиннарга “Мәхәббәт һәм тугрылык өчен” медален тапшырды.

Казанда 22-27 август көннәрендә узачак 45 нче WorldSkills Эшче һөнәрләр дөнья чемпионаты флагының Сарманга килүенең шушы көнгә туры килүе исә райондашлар өчен – олы куаныч. “WorldSkills флагы эстафетасы” проектына 2017 елның 21 октябрендә Сочида XIX Бөтендөнья яшьләр һәм студентлар фестивалендә старт бирелгән иде. Флаг хәтта Халыкара космик станциядә дә булып кайтты. 2018 елның 12 мартында Эстафетаның халыкара этабы старт алды – флаг Дөнья чемпионатын үзендә кабул иткән илләр буйлап сәяхәткә китте. Ә аның Россия этабы 2018 елның августында Көньяк Сахалинда узган “Яшь профессионаллар (Ворлдскиллс Россия)” Милли чемпионаты финалы барышында башланды. Ул барлык федераль округларның үзәкләре һәм эре предприятиеләр урнашкан регионнар, шул ук вактытта Татарстанның барлык районнары аша уза. Алабуга районыннан флаг бүген Сарманга килеп җитте. Аны, Чемпионат талисманнарын халык үзәк ял паркында көчле алкышлар белән каршы алды. Шулай булмый мөмкин дә түгел, чөнки Сарманның үзендә авыл хуҗалыгы белгечләрен әзерләү буенча ресурс үзәге булган аграр көллият бар һәм анда көндәшлеккә сәләтле студентлар белем ала. WorldSkills флагын йөртү хокукы да көллият студентларына – Ростов өлкәсендә узган “Яшь профессионаллар (Ворлдскиллс Россия)” милли чемпионтаның “Авыл хуҗалыгы машиналарын эксплуатацияләү” компетенциясендә җиңү яулаган Азат Тимербаев һәм аграр юнәлештә белем бирүче оешмалар арасында үткәрелгән Бөтенроссия һөнәри осталык олимпадасы җиңүчесе Булат Хәлиуллинга бирелде. Кунакларны сәламләп, муниципаль район башлыгы Фәрит Хөснуллин республикада эшче һөнәрләрнең дәрәҗәсен күтәрү өчен күп эшләнүен, безнең аграр көллияттә дә барлык мөмкинлекләр булуын билгеләп үтте. “Без – бүген языла торган тарихның бер кисәге. Чемпионат әйбәт үтсен, республика командасы анда уңышлы чыгыш ясасын”, - диде ул. Флаг почетлы кунакларның һәркайсының кулыннан үтте, ә Фәрит Мөнәвирович аңа район гербын беркетте.

Район үзәгендәге ял паркында чик сакчылары узган ел һәйкәл куйганнар иде. Быел да шул истәлекле урынга җыелып, алар бәйрәмнәрен билгеләп үттеләр. Тантанада катнашучыларны район Башкарма комитеты җитәкчесе Әлфис Мөхәммәтгәрәев тәбрикләде, изге теләкләрен җиткерде. Аларның аеруча активларына медальләр, Рәхмәт хатлары тапшырылды. Бүгенге көндә районда чик буе гаскәрләрендә хезмәт иткән 291 ир-егет яши.

Сарманлылар Бөек Җиңү көнен бәйрәм иттеләр.

Мәктәп директоры Римма Әхмәтбаева кунакларны сәламләгәннән соң, “Имтиханнарга ничек әзерләнергә?” дигән түгәрәк өстәл үткәрелде. Сүз шушы мәктәпнең узган еллар чыгарылыш укучыларына бирелде. Иске Кәшер мәктәбен тәмамлаган, рус теленнән 100 балл җыйган Рузилә Госманова, 92 балл җыйган Булат Гарифуллин, 87 балл җыйган Эльза Гыйләҗиева, 85 балл җыйган Айнур Корбыев имтиханнарга ничек әзерләнүләре турында сөйләделәр, очрашуда катнашучы 9-11 сыйныф укучыларына киңәшләрен бирделәр. Соңыннан укучылар, төркемнәргә бүленеп, “Максатка ирешү юлы” дигән темага проектлар эшләделәр, аны якладылар, ә укытучылар өчен “Хәзерге көн мәктәбендә укытучы лидер буларак” дигән темага мастер-класс уздырылды. “Курку төрләре һәм аларны җиңү” дигән темага үткәрелгән психологик тренинг укучылар өчен аеруча кызыклы булды. Чарада район Башкарма комитеты җитәкчесе урынбасары Индира Сәхипова, мәгариф бүлеге җитәкчесе Әлфәт Сабиров, Иске Кәшер авыл җирлеге башлыгы Раян Дәүләтҗанов, авыл җирлеге депутаты, укытучы Фәрит Салихов катнаштылар. Зөлфия Шәрипова язмасы һәм фотолары.

Сарман муниципаль район Советының XX утырышы булды. Аның эшендә Татарстан Республикасы Премьер-министры урынбасары Васил Шәхразыев, Татарстан Республикасы Дәүләт Советының икътисад, инвестицияләр һәм эшкуарлык комитеты рәисе Марат Галеев, Татарстан Республикасының Суд департаменты идарәсе җитәкчесе Җәүдәт Салихов, Татарстан Президенты Аппараты, Дәүләт Советы, Министрлар Кабинеты, “Агрокөч төркеме” җәмгыяте вәкилләре катнаштылар. Утырышның көн тәртибенә карауга бер – Сарман муниципаль районының 2018 елда социаль-икътисади үсеше йомгаклары һәм 2019 елга бурычлар турындагы мәсьәлә кертелгән иде. Аның буенча доклад белән муниципаль район башлыгы Фәрит Хөснуллин чыкты. Фикер алышуларда “Җәлилнефть” идарәсе начальнигы Малик Каюмов, Ләке авыл җирлеге башлыгы Лилия Шәрипова, Сарман аграр көллияте студенты Азат Тимербаев катнаштылар.

Аның эшендә муниципаль район башлыгы Фәрит Хөснуллин катнашты һәм чыгыш ясады. Район ветераннар советы һәм инвалидлар җәмгыяте рәисе Нәҗип Миңнеголов узган елда башкарылган эшләрне анализлады, киләчәккә планнары белән уртаклашты. Икенче көн тәртибе буенча советның ревизион комиссиясе члены Гөлүсә Ганиуллина чыгышы тыңланды. Ветераннар хәрәкәте катнашында үткән милли-мәдәни, спорт чаралары хакында Нурсинә Хәйруллина сөйләде. Сарман, Кәүҗияк, Җәлил бистәсе ветераннар советлары рәисләре Софья Әхмәдуллина, Фәүзимә Шакирова, Әнисә Минһаҗева үз җирлекләрендә ветераннар белән башкарылган эшләргә тукталдылар, киңәш-тәкъдимнәрен җиткерделәр, район җитәкчелегенә рәхмәт сүзләрен әйттеләр.

Аның эшендә ТР Дәүләт Советы рәисе Фәрит Мөхәммәтшин, Премьер-министр урынбасары – авыл хуҗалыгы һәм азык-төлек министры Марат Әхмәтов, муниципаль берәмлекләр советы ассоциациясе рәисе Экзам Гобәйдуллин, муниципаль район башлыгы Фәрит Хөснуллин, Министрлар Кабинеты вәкилләре, ундүрт муниципаль районның башлыклары, авыл хуҗалыгы, кооперация өлкәсе хезмәткәрләре, фермерлар катнашты.