Районда санитар икеайлык ничек уза?

"Сарман: иң яңа хәбәрләр", 24 апрель 2023 - 11:09

654

Район Советында узган икеайлык үткәрү мәсьәләләренә багышланган киңәшмәдә иң элек сүз Сарман авыл җирлеге башкарма комитеты җитәкчесе Лилия Шәриповага бирелде.

Ул районның торак пунктларын чистарту буенча уздырылган санитар-экологик өмәләр, территорияләрне чистарту, буяу, аларда оешма-предприятиеләрнең активлык дәрәҗәсе хакында сөйләде. Шул ук мәсьәләләрне үз чыгышында Җәлил поселогы башкарма комитеты җитәкчесе Илшат Галләмов та күтәрде. 2024 елга Татарстан Республикасында төзекләндерү объектлары өчен онлайн-тавыш бирү үткәрелүе турында Башкарма комитет җитәкчесе урынбасары Айрат Гайфутдинов чыгыш ясады.