Ләшәү-Тамакта балаларны борынгы гореф-гадәтләрне яратырга өйрәтәләр +ВИДЕО

Мул тормышта яшибез, тик күңелгә нидер җитми. Рухи яктан баймы, бердәмме без?.. Әби-бабаларыбыз бердәм булып, хәзинәдә барын бүлешеп яшәгән, зур эшләрне өмә итеп башкарган, йола-гадәтләрне үтәгән, бәйрәм иткән. Өстенә кияргә киеме, авыз тутырып ашарына булмаса да, күңеле көр, кәефе күтәренке булган. Матди байлыктан рухи байлык өстен булган.

Чыннан да, элекке йола-гадәтләр, бәйрәмнәр рухи байлык өстәрлек тә. Мәдәният идарәсе аларны барлап, халыкка кайтаруны өстенлекле юнәлеш итә. Күптән түгел  әлеге җәһәттән укучылар белән палас ясау серләренә өйрәндек. Бу шөгыль балаларда зур кызыксыну уятты.