“СарманLIFE”ның икенче җиңүчесе ачыкланды

Без төркемебездә яңа уен башлап җибәреп, аны «СарманLIFE» дип атаган идек. Ул — районыбыз тормышы, яшәеше белән бәйле уен. Сарман, Җәлил поселогы һәм авыл җирлекләренә кагылышлы гадәти булмаган сораулар игътибарлылыкны арттырырга, яшәгән җирлегең белән кызыксыну уятырга ярдәм итә. Иң актив катнашканнарны өч ай саен билгеләп, бүләкләп барырга да вәгъдә биргән идек. Әлеге уенның икенче кварталы нәтиҗәләре буенча иң актив катнашучысы дип Сарманнан Разия Бәдертдинова танылды. Без аны котлыйбыз һәм бүләк алырга матбугат үзәгендә көтеп калабыз.

Әлеге уенга үзегез дә безгә сораулар юллый аласыз, хөрмәтле дуслар.

Уен дәвам итә, активрак булуыгызны сорыйбыз.