Татарстанда автомобиль ягулыгы бәяләре артты. «Татар-информ» мәгълүмат агентлыгы Росстат мәгълүматларына таянып хәбәр иткәнчә, 19-26 октябрь көннәрендә республикада бензин һәм дизель ягулыгы кыйммәтләнгән.
Ягулык бәяләре ничек үзгәрде:
- АИ-92: 31 тиенгә кыйммәтләнде, литрының уртача бәясе 69,04 сумнан 69,35 сумга җитте.
- АИ-95: 33 тиенгә кыйммәтләнеп, литры 74,27 сумнан 74,60 сумга күтәрелде.
- Дизель ягулыгы: 17 тиенгә кыйммәтләнде һәм хәзер литры 80,51 сум тора.
- АИ-98 һәм аннан югарырак маркалар: бәясе үзгәрешсез калды — литры 100,94 сум.
Гомумән алганда, республикада бензинның уртача бәясе 31 тиенгә артып, литрына 72,37 сум тәшкил итте. Шул ук чорда Россия буенча да, Идел буе федераль округында да ягулык бәяләре, киресенчә, кимегән.
Нет комментариев