Сарманлылар биш бала да утыртып йөри

Каникулларның соңгы көнендә - 31 августта 14 сәгать 15 минутта Азнакай-Дүсем юлының 34 километрында "ВАЗ-211440" йөртүче Әлмәт шәһәре гражданины 1979 елгы А.Ю. (автотранспорт йөртү стажы - 4 ел) юл йөрү кагыйдәләренең 13.9 пунктын бозып, төп юлдан килүче 1983 елгы Ш.Э. идарәсе астындагы "ДЭУ-Нексия" машинасына бәрелә. (Аның да йөртү стажы - 4 ел). "Дэу-Нексия" машинасына 2009, 2007, 2004, 2000, 2007 елгы 5 бала утырган була. Ш.Э. 12 яшькә кадәрле балаларны махсус утыргычсыз йөрткән була. Һәлакәт нәтиҗәсендә 5 бала да тән җәрәхәтләре белән Җәлил хастаханәсенә җибәрелделәр.