Көз — алтын яфраклар вакыты гына түгел, кышка актив әзерлек чоры да. Җәлил интернат-йортына «Беренчеләр хәрәкәте» волонтёрлары ярдәмгә килде.
Гимназия укучылары игелекле хезмәт десанты оештырып, өлкәннәргә булышты.
Укучылар буш кул белән килмәгән — үзләре белән көрәкләр һәм күтәренке кәеф алып килгән. Яшь волонтёрларның төп бурычы йорт янындагы участокта җир казу иде. Бу физик көч һәм чыдамлык таләп итә торган авыр эшне тугызынчы сыйныф укучылары бик яхшы үтәде.
Җирне көздән эшкәртү — булачак уңыш өчен мөһим этап. Мәктәп укучыларының тырышлыгы аркасында туфрак кышка «ял итәргә» әзерләнде, ә яз көне интернатта яшәүчеләр утырту эшләрен бернинди авырлыксыз башлап җибәрә алачак.
Интернат-йорт администрациясе һәм анда яшәүчеләр Җәлил гимназиясе укучыларына һәм укытучыларына чын күңелдән зур рәхмәт белдерә. Волонтёрларның ярдәме — бары тик башкарылган эш кенә түгел, ә өлкән буынга карата күрсәтелгән җылы кайгырту һәм хөрмәт билгесе.
Нет комментариев