– Халыкны үзизоляциягә җибәрү миңа файдага гына булды. Аллага шөкер, авылга кайттым,- ди җырчы Илсөя Бәдертдинованың иҗат төркеме җитәкчесе Гүзәл Кәрәмиева

Өйдә эш күп: җыештырам, тәрәзәләрне юдым, бакчаны карыйм. Гастрольләр шушы якларда туры килгәндә генә, әнием, туганнар белән күрешә ала идем. Күршедә генә торгач, алар белән дә еш аралашам. Ә инде төп хезмәтемә килгәндә, дистанцион эшлим. Елына 180 концерт куярга туры килә, аларның графигын җайларга кирәк хәзер. Шуңа иҗат эше дә туктамый. Илсөя Ядкаровна белән Интернеттан аралашып торабыз. Ахыры хәерле булсын инде, тамашачылар белән исәнлектә күрешергә язсын.