хәбәрләр 18 июль

ХӘБӘРЛӘР: 18 июль

Район ветераннар һәм инвалидлар җәмгыяте тарихи- мәдәни мирас елы уңаеннан истәлекле урыннарга сәяхәтләр,экскурсияләр оештыра. Ветераннар Болгарда , Алабуга шәһәрендә булдылар. 18 июльдә күрше Башкортстанга, Кандра күленә киттеләр .Сәфәрдә - авыл җирлекләренең ветераннар һәм инвалидлар оешмалары рәисләре , ветераннар хәрәкәте активистлары. Соңрак Биләргә, Казанның Кол Шәриф мәчетенә , Тукай м узеена экскурсияләр оештырылачак.

Татарстанда ришвәтнең уртача күләме 17 мең сум тәшкил итте. Республика Эчке эшләр министрлыгы әнә шундый мәгълүмат җиткерә. Узган ел бу күрсәткеч 41 мең сум булган.

Татарстан урманнарында янгын куркынычсызлыгы чаралары күрелә. Бу чараларның күрелүе соңгы көннәрдә күзәтелгән аномаль эсселеккә бәйле.

Республикабыз башкаласында уяулыгыбызны тикшерү максатыннан 20-27 июльдә террорчылык буенча өйрәнүләр үткәрелә.