Сарман авылында яшәүче Әшрафулла абый һәм Мөзәккирә апа Зариповлар да сайлауларда катнашуны җаваплы бурыч дип саныйлар.
– Мондый чараларда электән – совет заманнарыннан ук катнашып киләбез. Ул чорлардан ук аны бәйрәм дип кабул итә идек, хәзер дә шундый ук карашта торабыз. Сайлаулар – бик тә әһәмиятле вакыйга, аннан һич кенә дә читкә тайпылырга ярамый. Ил-көннәребез тыныч булсын, махсус хәрби операциядәге кардәшләребез, ир-егетләребез исән-сау туган якларга әйләнеп кайтсыннар, – диләр алар.
2532 нче сайлау участогында алар тавышларын менә шул изге теләкләре тормышка ашсын өчен бирделәр.
Нет комментариев