15 январь. Хәбәрләр

15 январь. Хәбәрләр: РФ эчке эшләр министрлыгының Татарстан юл куркынычсызлыгы дәүләт инспекциясе үткәргән унынчы конкурста "Сарман" газетасы икенче урын алды, ул икенче дәрәҗә дипломга һәм махсус бүләккә лаек булды.

Бөек Ватан сугышы һәм туган якны өйрәнү музеенда инвалид балалар өчен зур чара үтте. Балалар "Яңа ел бизәкләре" күргәзмәсе белән танышты, 1920 елдан башлап чыгарылган чыршы уенчыклары белән танышты.

Авыл имамнары "Шәфкать" үзәгендә ял итте. Алар дәвалану үтте, төрле чараларда катнашты, район үзәгендәге оешма-учреждение җитәкчеләре белән очрашты, төрле сорауларга җаваплар алды.

Өстәл теннисы буенча "Татарстан өметләре" турнирында район командалары уенчылары арасында Б.Латыйпов- беренче, Д.Йосыпов икенче урыннарны алдылар.