«Җырлы балачак илендә» бәйгесенең чираттагы зона туры үтте

"Сарман: иң яңа хәбәрләр", 15 март 2023 - 11:43

468

Районыбызда үткәрелеп килүче мәдәни чараларда балаларыбызның даими катнашуы күңелле күренеш.

"Җырлы балачак илендә" талантлы балалар бәйгесенең максаты да милли мәдәниятебезне, гореф-гадәтләребезне, ана телебезне саклап калу һәм җыр-моңнарыбыз белән яшәү. 14 март көнне район мәдәният йортында бәйгенең 4 нче зонасында катнашкан "Ләйсән", "Лилия", "Кояшкай", "Сандугач" балалар бакчалары, Сарман урта мәктәбе һәм Илһам Шакиров исемендәге балалар сәнгать мәктәбе укучылары чыгышлары якты өметләр уятты. Куйган максатларыбызга ирешеп, районыбызның данын саклап, яклап яшәргә язсын. Балаларга якты киләчәк телик.