Ял паркында да радио тыңларга мөмкин

Татарстанда туган телләр һәм халыклар бердәмлеге елы уңаеннан, республикада да, районнарда да күптөрле чаралар үтә. Халыкның актив ялын оештыру максатларында, район үзәгендә, поселокта, авыл җирлекләрендә кичәләр, милли бәйрәмнәр, ял паркларында ачык һавада кинофильмнар күрсәтү оештырыла. Шушы көннәрдә районның кино хезмәте күрсәтү учреждениесенә ике тавыш көчәйткеч кайтты. Аның берсе район үзәгендәге ял паркына урнаштырылса, икенчесе Җәлилдә кинотеатр бинасында эшләячәк.

Альбина Сабирова