Шәрләрәмә бозында хоккейчылар очраштылар

Бүген Шәрләрәмә авылының спорт мәйданчыгында Хәтер кубогына хоккей ярышлары оештырылды. Менә дүртенче ел инде җирлектә хоккейчы егетләр вафат булган әти-әниләренең якты истәлегенә уеннарын багышлыйлар. 

- Быел да ярышлар бик күңелле үтте. Барлыгы 4 команда катнашты. Ярышларны күзәтергә район башлыгы урынбасары Гүзәл Гәрәева да килгән иде. Халык та уеннарны бик кызыксынып карады. Нәтиҗәдә Мортамак командасы җиңү яулады. Шәрләрәмә - икенче, Тукай районы җыелма командасы өченче булдылар. Петровка Завод хоккейчылары дүртенче урынга чыктылар, - дип хәбәр итте авыл җирлеге башлыгы Наилә Хуҗина.

Альбина Сабирова