Сарманлылар Гөлшат Зәйнашеваның 95 еллыгына багышланган фестивальдә катнаштылар

"Сарман: иң яңа хәбәрләр", 2 декабрь 2023 - 09:39

917

Киң җәмәгатьчелек быел шагыйрә, драматург, Татарстанның атказанган сәнгать эшлеклесе, Габдулла Тукай исемендәге Дәүләт премиясе лауреаты Гөлшат Зәйнашеваның 95 еллыгын билгеләп үтә.

Кичә Минзәлә театры сәхнәсендә X Республикакүләм «Кояш гомере телим мин, Минзәләм, сиңа» дип исемләнгән фестивальнең гала–концерты булды. Анда республиканың Актаныш, Мөслим, Саба, Тукай, Мамадыш, Минзәлә районнары вәкилләре белән бергә Сарманның да җыр сөючеләре катнаштылар. Дилүс Гомәров, Марселия Гәрәева, Рәмилә Хөсәенова чыгышларын тамашачылар алкышларга күмде.