Сарманда "Илгә лаеклы хезмәт ит" дигән кичә узды

18 февральда үзәк китапханәнең уку залында солдат хезмәтендә булып, туган җирләренә зур чыныгу мәктәбе узып кайткан Сарман егете Радик Шәмсетдинов белән "Илгә лаеклы хезмәт ит" дип исемләнгән орашу кичәсе узды. Очрашуны уку залы мөдире Равилә Шәмсетдинова ачып җибәрде. Кичә бик эчтәлекле, үзенчәлекле булды. Анда Ләйсән Гыймаеваның "Солдат егеткә" дигән җыры яңгырады, китапханәче Гөлназ Сафина Тәкыя Шәрипованың "Ана өмете" дигән шигырен укып үтте. Солдат егеткә кызыксындырган сорауларын бирделәр, аның фотоларыннан төзелгән презентация карап уттеләр.