Сарманда бу елны алма уңды

Халык ышанычлары буенча, 19 август - алма Спасы көне. Бу көнне зур бәйрәм дини яктан гына түгел, ә көзне каршылау хөрмәтеннән дә үткәрелгән. Шул вакытка алмалар да өлгергән. Аны җыеп төрле ризыклар әзерләгәннәр. Спас алмасын ашаганда теләкләр теләсәң, алар чынга аша дигән ышаныч бар. Зур савап булып авыру һәм ярдәмгә мохтаҗ кешеләрне сыйлау санала.

Гадәттә, алма Спасыннан соң төннәрен суыта башлый, кайбер кошлар җылы якларга китәргә әзерләнә.

Шулай ук алма белән бәйле күп сынамышлар бар. Бу елны алма күп булу сәбәпле, "Шомырт уңган елны ачлык булыр, алма уңган елны туклык булыр" дигән сынамыш актуаль.