Сарманда "Балкыш" фестивале үткәрелде

Бүген, 6 майда, район мәдәният йортында Сарман зонасының "Балкыш" фестивале үткәрелде. Сугыш, тыл, хезмәт ветераннарын якынлашып килүче олы бәйрәм белән "Бердәм Россия" сәяси партиясенең җирле бүлекчәсе башкарма комитеты җитәкчесе Ринат Шәрәфетдинов тәбрикләде, сугыш һәм аннан соңгы елларда куйган тырыш хезмәтләре өчен рәхмәт белдерде, кызыл канәферләр бүләк итте. "Бердәм Россия"леләр ветераннарның күкрәкләренә Георгий ленталары кададылар. Сугыш ветераны Нәкыя Фарукшина сугыш хатирәләре белән уртаклашты, тынычлык теләде. Фестивальдә сугыш турында җырлар, шигырьләр яңгырады, биюләр башкарылды.