Сарман үзәк китапханәсендә якташыбыз Рәфкать Кәраминең 80 яшьлек юбилее уңаеннан әдәби - музыкаль кичә үтте

Кичә Сарман үзәк китапханәсендә Россия Федерациясе һәм Татарстан Республикасының атказанган мәдәният хезмәткәре, Г. Исхакый исемендәге премия лауреаты, якташыбыз Рәфкать Кәраминең 80 яшьлек юбилее уңаеннан «Ихлас иҗатлы якташыбыз» исемле әдәби - музыкаль кичә узды. Кичәдә Сарман гимназиясе һәм Сарман урта мәктәбе укучылары катнашты.

  Рәфкать Кәрами - татар укучысы яратып кабул иткән бик күп әсәрләр авторы. Аның иҗаты күпкырлы: ул роман, повесть, хикәя, шигырьләр яза. Күпләр язучыны «Оча кошлар белән янәшә», «Каргышлы этаплар», «Олы юл да сикәлтәле» романннары, «Кичке уйлар», «Ындыр тулы кибән», «Мәхәббәт бураннары» һәм башка повестьлары аша белә. Чарада укучылар язучының тормышы һәм иҗат юлы белән таныштылар. Шулай ук китапханә хезмәткәрләре укучыларга «Иҗат - гомер юлдашы» исемле китап күргәзмәсе тәкъдим иттеләр, презентация күрсәттеләр.