Сарман урта мәктәбендә Минтимер Шәймиевка багышланган чаралар үтте

Бүген, 20 январьд,а киң җәмәгатьчелек Татарстанның Дәүләт киңәшчесе, беренче Президентыбыз Минтимер Шәрип улы Шәймиевнең 80 яшьлек юбилеен билгеләп уза. Әлеге вакыйгага багышлап, республикада төрле чаралар үткәрелә.

Сарман урта мәктәбе укытучылары һәм укучылары да бу истәлекле датаны билгеләп үтүдән читтә калмадылар. Минтимер Шәймиевнең тормыш һәм хезмәт юлына багышланган күргәзмә оештырылды. Класс сәгатьләрендә беренче Президентның республика үсешенә керткән зур өлеше турында сөйләнде. Шулай ук аның Татарстан Республикасы архитектура корылмаларын торгызу һәм саклауда роле зур булуы ассызыкланды.