Сарман урта мәктәбендә математика укытучылары киңәште

Сарман урта мәктәбендә "Математика фәнен тирәнтен үзләштерү мәктәпләре шартларында укучыларны бердәм дәүләт имтиханнарына әзерләү системасы" дип аталган региональ семинар-практикум үткәрелде. Семинарга Яр Чаллы шәһәренең 79 нчы лицей- интернатыннан югары категорияле математика укытучысы Шәфыйков Нәсим Рәсим улы килде. Бу чарада районыбызның 32 математика укытучысы катнашты. Нәсим Рәсим улы семинар барышында БДИнең үзенчәлекләрен аңлатты, имтихандагы катлаулы мәсьәләләрне унайлы юл белән чишү алымнарын күрсәтте. Анда район мәктәпләре укытучылары да чыгыш ясады, шулай ук алар үзләрен кызыксындырган күп сорауларга җаваплар тапты.