"Сарман" радиосы хәбәрләрне оператив ирештерә

7 май - радио көне. Радиотыңлаучыларыбызга район хәбәрләрен, ил-көн яңалыкларын оператив ирештереп торуда "Сарман" радиосының өлеше зур. 7 май - радио хезмәткәрләренең генә түгел, эчтәлекле язмалары, күңел кылларын тибрәтерлек чыгышлары белән радиотапшыруларны баетучы хәбәрчеләребезнең, озак еллар радиода фидакарь хезмәт куеп, әле бүген дә төпле киңәшләре белән ярдәм итүче ветераннарыбызның да бәйрәме. Аларны 7май - радио көне белән ихлас күңелдән тәбрик итәбез. Ныклы сәламәлек, гаилә бәхете, иҗади уңышлар телибез. "Сарман" радиосы алга таба да һәр йортка көтеп алынган кунак кебек килеп керсен! Аның аша яңгыраган һәр чыгыш, көй-моңнар яралы күңелләрне дәвалап, иртәгәге көнгә ышаныч тудырсын, яңадан-яңа эшләргә рухландырсын! Бәйрәм белән Сезне!