Сарман балалар сәнгать мәктәбе укучылары «Сандугач сайрар илем» XXIV региональ балалар һәм яшүсмерләр иҗаты фестивалендә җырлап кайттылар

И. Г. Шакиров исемендәге Сарман балалар сәнгать мәктәбе укучылары «Сандугач сайрар илем» XXIV  региональ балалар һәм яшүсмерләр иҗаты фестивалендә җырлап кайттылар. Нефть төбәгендә яшәгән 15 районнан килгән 80 нән​ артык бала җыр сәнгатендә көч сынашты.

Россиянең һәм Татарстанның халык артисты, Тукай премиясе лауреаты Зилә Сөнгатуллина җитәкчелегендәге 5 кешелек жюри һәр баланы “энә күзеннән” үткәреп, үз бәясен бирде.

​ Сарманлылар да сынатмадылар: Хөсәенова Рамилә һәм Мөхәммәдиев Эдуард -  III дәрәҗә лауреатлары, Сәетов Ильгиз- фестивальнең дипломанты (җитәкчеләре Р. М. Хәмидуллина), Фәртдинова Сөмбел- фестивальнең дипломанты (җитәкчесе Р. Р. Хаҗиева) исеменә лаек булдылар. Фестивальдә катнашучыларны һәм җиңүчеләрне котлыйбыз, яңа иҗади уңышлар телибез!