Сарайлы мәктәбендә Габдулла Тукайга багышланган бәйрәм үтте

Сарайлы мәктәбенең башлангыч сыйныф укытучылары Роза Шәмгунова һәм Гөлфия Фазлыева, бөек шагыйребез Габдулла Тукай тууга багышлап, "Без - Тукай шәкертләре" дигән Шаяннар һәм тапкырлар клубы уены үткәрделәр. Укучылар шулай ук авыл китапханәчесе Зәнфирә Габдрахманова оештырган Тукай әкиятләренә рәсем конкурсында катнаштылар, шагыйрь иҗатына багышланган китап күргәзмәсе белән таныштылар. 5-7 нче сыйныф укучылары, шигырь конкурсында катнашып, Тукай шигырьләрен укыдылар.