Районда хатын-кызлар арасында волейбол буенча ярышлар башланды
Җомга көнне район оешмаларының хатын-кызлар командалары арасында волейбол буенча икенче чемпионатка старт бирелде.
Анда катнашырга 9 команда теләк белдерде. Беренче көнне район Башкарма комитеты, мәдәният бүлеге һәм мәгариф бүлегенең Җәлил зонасы җыелма командалары көч сынаштылар. Нәтиҗәдә хакимият хезмәткәрләре ике команданы да 0:2 исәбе белән җиңделәр. Җәлиллеләр мәдәният өлкәсендә эшләүчеләре белән уйнап, 2:0 исәбе белән җиңү яуладылар.
Кичә исә "Шәфкать" үзәге, үзәк шифаханәсе һәм мәгариф бүлегенең Сарман зонасы җыелма командалары очраштылар. Сәламәтлек сагында торучылар спортта сынатмыйлар. Алар ике команданы да 2:0 исәбе белән җиңделәр. Мәгариф хезмәткәрләре файдасына да 2 очко өстәлде.
Альбина Сабирова язмасы.
Илгизәр Гаделшин фотолары.
Следите за самым важным и интересным в Telegram-каналеТатмедиа
Нет комментариев