Путин чит ил паспорты алганда дәүләт пошлинасын арттыруны күздә тоткан законга кул куйды

автор, 4 июль 2018 - 10:32

1134

Закон рәсми бастырып чыгарганнан соң бер айдан үз көченә керәчәк.

Россия президенты Владимир Путин машина йөртү таныклыгы һәм чит ил паспорты алганда дәүләт пошлинасы күләмен арттыруны күздә тоткан законга кул куйды. Әлеге документ хокукый мәгълүмат рәсми интернет-порталында урнаштырылган.

Биометрик чит ил паспортының бәясе 5 меңгә кадәр артачак. 14 яшьтән кечкенәрәк балалар өчен пошлина бәясе 2,5 мең булачак.

Машина йөртү таныклыгы алу өчен дәүләт пошлинасының күләме 3 мең сум булачак.