Музейлар да ярыша

Туган якны өйрәнүче күренекле шәхес, музейлар белгече З.М. Сафинаның якты истәлегенә багышланган, мәктәп музейлары конкурсы, быел да 4 нче мәртәбә, уздырылды. Анда Карашай-Саклау мәктәбенең Туган якны өйрәнү музее катнашты һәм җиңүче булып танылды. Җиңүчеләрне бүләкләү тантанасы Яр Чалы шәһәрендә узды. З.М.Сафина исемендәге Регионара премия, истәлек медале һәм I дәрәҗәдәге Диплом Карашай-Саклау мәктәбе музеена тапшырылды. Бу уңыш - музейны оештыручыларның, мәктәп коллективының, музей эшчәнлегенә юнәлеш бирүче Сарман музее хезмәткәрләренең тырышлыгы нәтиҗәсе.