Матбугат үзәгеннән көн рецепты – сельдерей белән язгы салат

Кирәк булалар:

- болгар борычы - 60 грамм;

- сельдерей сабаклары - 70 грамм;

- редис - 2 данә;

- яшел суган - 2 данә;

- 18 % эремчек - 2 аш калагы;

- тәмләткечләр - ½ аш калагы;

- сарымсак - 1 тырнак;

- зәйтүн мае - 1 аш калагы;

- кыяр - 40 грамм.

Яшелчәләрне шакмаклап турыйбыз, суганны - боҗра формасында. Бутыйбыз, тәмләткечләр салабыз.

Салат савытына, катлам-катлам итеп, әзерләп куелган яшелчәләрнең яртысын салабыз. 1 аш калагы эремчек, өстенә яшелчә һәм тагын эремчек өстибез.

Яшеллек өстибез, май салабыз.

Барлыгы 10 минут вакыт кирәк.