Матбугат үзәгеннән көн рецепты – мидияләр белән сарымсаклы крем-аш

Кирәк булалар:

- бәрәңге - 2 данә;

- су - 200 миллилитр;

- 10-20 % каймак - 150 миллилитр;

- ак май - 1 чәй калагы;

- зәйтүн мае - 2 аш калагы;

- тоз - 1/3 чәй калагы;

- яңа тартылган кара борыч - 1 чеметем;

- сарымсак - 120 грамм.

Өстәмә кирәк булалар:

- катырылган мидияләр - 20 данә;

- тоз - 1 чеметем;

- зәйтүн мае - 1 чәй калагы;

- укроп - 2 сабак.

Сарымсак һәм бәрәңгене чистартабыз. Сарымсак - 4 өлешкә, бәрәңгене эре шакмакларга бүләбез. Кәстрүлдә 2 төр майны да җылытабыз, сарымсак һәм бәрәңге салабыз. Бутап, 5 минутка якын пешерәбез.

Кәстрүлгә су һәм каймак салабыз. Тоз, борыч сибәбез һәм әкрен утта 15-20 минут әзер булганчы пешерәбез.

Мидияләрне алдан җебетеп куябыз. Аларны зәйтүн маенда кыздырабыз, тоз сибәбез һәм вакланган укроп өстибез.

Крем-ашны блендерда болгатабыз. Кыздырылган мидияләр белән бизибез. Кайнар килеш бирәбез.

Барлыгы 20 минут вакыт кирәк.