Әлмөхәммәтовлар ике бәйрәмне бергә билгеләп үтәләр

 Бүген – 22 декабрь көнне Сарманда яшәүче Альберт һәм Венера Әлмөхәммәтовлар алтын туйларын билгеләп үтәләр. Венера апаның шулай ук – туган көне дә.
 Аларны гомер бәйрәмнәре белән район җитәкчелеге исеменнән район Башкарма комитеты җитәкчесе урынбасары Индира Сәхипова тәбрикләде, район башлыгы исеменнән Рәхмәт хаты һәм истәлекле бүләк тапшырды. 
 “Сез – районыбызның олы хөрмәткә лаек ветераннары. Юл төзелеше, автотранспортны ягулык белән тәэмин итү өлкәсендә куйган намуслы хезмәтегез, бүгенге көнгәчә ветераннар хәрәкәтендә, районыбыз тормышында актив катнашуыгыз өчен зур рәхмәтемне белдерәм”, - диелгән иде Фәрит Мөнәвир улы кул куйган Рәхмәт хатында.
 Юбилярларны шулай ук район Башкарма комитетының гражданлык хәле актларын теркәү бүлеге начальнигы Гөлчәчәк Вәлишина тәбрикләде.
 Зөлфия Шәрипова язмасы һәм фотолары