Ленин исемен районда да мәңгеләштергәннәр

Бөек революционер хакында күп сүзләр йөрсә дә, ул – гади халыкка ирек биргән, аның яшәешен яхшырткан, ил өчен бик күп уңай үзгәрешләр керткән шәхес. Курку белмәс көрәшче, көчле оратор, ил башлыгы.
Бүген – Владимир Ленинның туган көне. Аның исемен мәңгеләштереп, Сарманда Ленин һәйкәле тора, район үзәгендә, поселокта, авылларда Ленин исемен йөрткән урамнар, скверлар бар. Хәзерге ял паркын да элек Ленин бакчасы дип йөртә идек.
Шуны да искәртеп үтәбез: бу шимбәдә – 23 апрель көнне район үзәгендә, җирлекләрдә, хезмәт коллективларында, хуҗалыкларда “Ленин өмәләре” узачак. Чисталык, тәртип саклауда бердәм булыйк, дуслар!