Ләшәү Тамактан Әсхия Мортазинага 95 яшь тулды

Әсхия апа тормыш авырлыкларын күп күргән. Сугыш башлануга, колхозда төрле эшләрдә эшли башлый. Соңрак урман кисә, торф чыгарырга бара. Ялгызы өч баланы тәрбияләп үстерә, күп еллар иренең әнисен тәрбияли, кадерләп соңгы юлга озата. Әсхия апаны гомер бәйрәме белән район башлыгы урынбасары Гүзәл Гәрәева тәбрикләде. Россия Федерациясе Президенты Владимир Путинның Котлау хатын, Татарстан Республикасы рәисе Миңнеханов Рөстәм Миңнехановның туган көн бүләген һәм Җиңү бәйрәме бүләген – район башлыгы Фәрит Хөснуллинның рәхмәт хатын һәм бүләген тапшырды. Ветеранны юбилее белән Ләшәү Тамак авыл җирлеге башлыгы Илфат Хәбибуллин, җирлек ветераннар советы рәисе Гөлмира Ситдыйкова да тәбрикләделәр. Ветеранга ныклы сәламәтлек, җан тынычлыгы, шатлыклы тормыш теләделәр.