"Кояшкай" балалары гаиләләрен бик яраталар

“Кояшкай” балалар бакчасының зурлар төркеменә йөрүчеләр бүген, Гаилә, мәхәббәт һәм тугрылык көненә багышлап, матур чара үткәрделәр.

- “Гаилә- ул җылы учак,
Гаилә – ул бер йолдыз,
Гаилә – бәхет ачкычы,
Гаилә – ул нигезле йорт.
Гаилә бәхете – балада, бала бәхете – әти-әниле булуда”, - диделәр балалар. Әти-әниләренә бүләккә матур открытка да ясаганнар алар. Тәрбиячеләре Эльмира Сабитова белән Гөлшат Насыйбулина аларга әти-әниләрен хөрмәт итәргә, яратырга кирәген тагын бер кат аңлаттылар.

Альбина Сабирова язмасы