Кечкенә Самат Зур Нөркәйдә яшәүче әбисенең бакчасында көнбагышлар үстергән

«Әби, ә бу савытка каян алып салалар көнбагышны?» – дип сорады ул. Мин аңа көнбагышның кайдан килеп чыкканын аңлаттым. Самат миңа аны утыртырга тәкъдим итте. Казахстанга эш белән баргач, энекәшем ике төрле көнбагыш алып кайткан булган – эре, ак сызыклы. Ул аны бер уч бирде, шуны без Самат белән утырттык та, оныгым Чаллыга кайтып китте. Мин су сибеп торам инде боларга, тишелеп чыккач, видеога төшереп жибәрдем. «Ә ник шулай бәләкәй?» – диде ул. «Үсә әле алар, синнән дә олы булырлар», – дип җавап кайтардым мин. Менә күрегез, бүген шундый булып үстеләр Саматымның көнбагышлары. Бакчага кергән бер кешегә зур горурлык белән «Аларны мин утырттым», – ди улым, – дип язып җибәрде Зур Нөркәй авылыннан Дания Хәйруллина.