Казанда пандемиядән соң беренче тапкыр табигый үсеш теркәлде
Казан Сәламәтлек саклау идарәсенең йомгаклау медицина киңәшмәсендә идарә башлыгы Илназ Әхмәдиев уңай демографик тенденция турында белдерде. Пандемиядән соңгы чорда Татарстан башкаласында беренче тапкыр табигый үсеш теркәлде. Бу турыда «Татар-информ» мәгълүмат агентлыгы хәбәр итә.
Киңәшмәдә үсеп килүче буынның репродуктив сәламәтлегенә аерым игътибар юнәлтелде. Илназ Әхмәдиев сүзләренчә, 2025 елда 15-17 яшьлек үсмерләрнең профилактика күзәтүе вакытында кызларның 7 процентында җенси сфера авырулары ачыкланган. Шул ук яшьтәге егетләр арасында 3 процент очракта тайпылышлар теркәлгән.
Моннан тыш, белгечләр үлем күрсәткечләренең кимегәнен билгеләп үтте. Узган ел бу күрсәткеч Казанда, 2024 ел белән чагыштырганда, 2 процентка кимегән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев