Кайсы җирлектә өстәл теннисын оста уйныйлар

Бүген авыл җирлекләре арасында узучы Спартакиада кысаларында өстәл теннисы буенча ярышлар үтте. Анда ике ир-ат, бер хатын-кыздан торган барлыгы 14 команда катнашты. Уеннар Сарман гимназиясе спорт залында оештырылды. Нәтиҗәдә Мортыштамак авыл җирлеге җыелма командасы җиңү яулады. Икенче урынга - Иске Кәшер, өченчегә Карашай Саклау җирлекләре уенчылары чыктылар. Җиңүчеләрне район башлыгы урынбасары Гүзәл Гәрәева, район яшьләр эшләре, спорт һәм туризм бүлеге начальнигы Илгизәр Гаделшин бүләкләделәр.