Иске Имән әниләре – бердәнберләр

Иске Имән балалар бакчасында " Әнием - син минем бердәнберем!" дигән кичә үтте.
- Нәниләребез әниләренә, бәйрәм белән котлап, шигырьләр, җырлар, биюләр бүләк иттеләр. Әниләр белән бергәләп төрле кызыклы уеннар уйнадылар. "Безнең әниләребез бик күп матур сыйфатларга ия. Шулай да, балалар, сез әниләрегезне беренче чиратта нәрсә белән тиңләр идегез?" - дигән сорауга "Кояш белән!" - дип җавап кайтардылар. Кадерле әниләребезне тагын бер кат шушы изге бәйрәм - Әниләр көне белән котлыйбыз! Йортыгызда сабыйларыгызның шат авазлары тынмасын! Һәр ата-ананың баласы иң акыллысы, иң тәрбиялесе, иң ягымлысы булып үссен, - дип язалар Иске Имән балалар бакчасы хезмәткәрләре.