Иртәгә Татарстанда көчле җил көтелә
Гадәттән тыш хәлләр министрлыгы 28 апрельдә республикада җилнең көчәюе турында кисәтә, дип яза «Татар-информ» МА.
Төнлә җилнең тизлеге секундына 20 метрга, ә көндез 23 метрга кадәр җитәргә мөмкин.
Кисәтүдә саклык чараларын үтәргә өндиләр:
– биналардан чыкмаска, балаларны караусыз калдырмаска;
– урамда булсагыз, җир асты үтү юлларында яки подъездларда яшеренергә;
– стеналар, тукталыш павильоннары, төзелеп бетмәгән объектлар, реклама щитлары, юл билгеләре, электр баганалары янында тормаска;
– зур агачлардан ерак булырга, алар янында машина куймаска.
Районда да шундый ук һава торышы саклана, таләпләрне кире какмагыз.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев