Илексазда Татарстан көненә күргәзмә оештырылды

Илексаз авылы китапханәсендә Республика көне уңаеннан китапханәда укучыларга «Туган җирем-Татарстан» дип исемләнгән китап күргәзмәсе төзеп куелды. Әлеге күргәзмәдә Татарстаныбызның үткәне һәм бүгенгесен чагылдырган китап журналлар урын алды.

Китап укучыларга китапханәче туган җиребез Татарстан турында сөйләде һәм күргәзмәгә куелган китаплар белән таныштырды. Татарстан республикасының 1000 еллык тарихы бар. Без барыбыз да төрле милләттә, диндә булсак та, гүзәл туган җиребездә дус һәм тату яшибез. Безнең Татарстан дөнья күләмендә алга китте һәм безнең республиканы чит илләрдә дә беләләр. Без үзебезнең республикабыз белән бик горурланабыз.