"Иң зәвыклы бакча" проектыбызның кунаклары бакчаларына ял итәргә чакыралар

"Иң зәвыклы бакча" дип аталган конкурсыбыз озак еллар дәвамында бик күп бакчачыларны берләштерде. Газета укучыларыбызның соравы буенча без аны хәзер даими проект итеп кенә калдырырга булдык. Газетабыз битләрендә, сайтта, соцчелтәрләрдә иң матур, зәвыклы бакчалар белән таныштыруыбызны дәвам итәбез. Бүгенге кунакларыбыз - Буралы Чишмә авылында яшәүче Николай һәм Валентина Пайо. Аларның искиткеч матур бакчаларына керсәң, тиз генә чыгып китә алмыйсың. Тырыш хуҗаларның ихатасында нинди генә чәчәкләр, декоратив куаклар юк?! Барысы да зәвык белән утыртылган, анда күңел ял итә.

Альбина Сабирова язмасы hәм фотолары