Фәнис трейл кросста катнашты

"Сарман: иң яңа хәбәрләр", 7 октябрь 2024 - 08:55

657

Райондашыбыз – марафончы Фәнис Фәретдинов чираттагы уңышы хакында хәбәр итте.

Ул агымдагы елның 6 октябре көнне Тукай районы Кече Шилнә авылында узган трейл кросста катнашкан. Таулар арасыннан 12 километр ераклыктагы араны йөгереп, финишка өченче булып килгән.
- Ярышлар икенче тапкыр үткәрелде. Аларда 130лап йөгерешче катнашты, - диде Фәнис Илгизәр улы.
Без йөгерешчене тәбриклибез һәм киләчәктә дә уңышлар телибез.