Чулпан Нәҗметдинова Түбән Камада Сарман данын яклады

Әлеге мәртәбәле һөнәри бәйгедә Зәй, Түбән Кама, Актаныш, Мөслим һәм Сарман районнарының муниципаль этапларында җиңү яулаган иң оста педагоглар көч сынашты. Безнең район данын Сарман гимназиясенең татар теле һәм әдәбияты укытучысы Нәҗметдинова Чулпан югары дәрәҗәдә яклады. Ул үзенең ачык дәресен һәм осталык классын зур осталык белән үткәреп, жюри әгъзаларының игътибарын җәлеп итте һәм уңышлы чыгыш ясады. Конкурсның нәтиҗәләре исә март аенда гына билгеле булачак. Чулпан Мөнир кызына киләчәктә дә иҗади уңышлар һәм җиңүләр юлдаш булсын дигән теләктә калабыз.