Циклон республикага салкын төннәр һәм юеш кар алып килә, җил акрынлап кими

Синоптиклар сүзләренчә, хәзер Россиянең барлык Европа территориясендә һава торышына тирән циклон йогынты ясый. Республика әлегә бу циклонның күбесенчә җылы өлешендә урнашкан, ләкин инде иртәгә һава массаларының төньяк-көнчыгышка күчүе сәбәпле ул «аның салкын арткы өлешендә» булачак.

Нәтиҗәдә, температура сизелерлек түбәнәячәк. 28 апрельгә каршы төндә термометрлар 0, +3 градуска кадәр төшәчәк, көндез исә +5, +10 градуска кадәр генә күтәреләчәк. Яңгыр һәм юеш кар рәвешендә явым-төшем көтелә. Көчле җил сакланачак: төнлә аның тизлеге секундына 15–20 метрга җитәчәк, көндез 18–23 метрга кадәр булачак (бу бүген мөмкин булган 26 метрдан кимрәк).

29–30 апрельдә төбәктә циклонлы һава торышы сакланачак, вакыт-вакыт аз явым-төшем көтелә. 29 апрельдә тагын көчле җил көтелә, ләкин тизлеге 18 метрдан артмаячак. Төннәрен температура -2 градустан +3 градуска кадәр булачак. Көндез 29 апрельдә +6…+11 градус җылы көтелә, 30 апрельдә – +8…+13 градус.

Синоптикларның алдан фаразлавынча, 1–2 майда Татарстанда һава торышы тагын да тотрыксызланачак, вакыт-вакыт аз һәм уртача явым-төшем булырга мөмкин. Караңгы вакытта температура якынча 0 градус тирәсендә булачак, көндез һава +8…+13 градуска кадәр җылыначак.