Чөгендерчеләрне район башлыгы үзе бүләкләде

Узган шимбәдә район башлыгы Фәрит Хөснуллин, авыл хуҗалыгы һәм азык-төлек идарәсе начальнигы Альберт Шәрипов шикәр чөгендере алуда хезмәт куйган алдынгыларны бүләкләделәр. "Ропа" Евро-Тигр комбайннарында эшләүче экипажлар арасында беренче-икенче урыннар - "Сарман" агрофирмасы хезмәтчәннәре Заһир Шәйхеразиев белән Илдар Гыйләҗевта, Вәдүт Хөснуллин белән Айрат Шәймөхәммәтовта. Нөркәйлеләр - Руслан Миңнемөхәммәтов белән илдар Хуҗин -өченче урында. "Ропа" Евро-Маус төяткечендә эшләүчеләр арасында беренчелекне бу юлы "Җәлил" агрофирмасыннан Дамир Моратов алды. "Сарман" агрофирмасыннан Ринат Илдарханов - икенче, "Нөркәй"дә Илфат Йосыпов белән Рамил Салихов өченче булдылар.