Аграр көллият көрәшчеләре җиңү белән кайттылар

28 гыйнвар көнне Казанда югары һәм урта һөнәри белем алучы аграр өлкә студентлары арасында көрәш буенча республика ярышлары үтте. Анда безнең Сарман аграр көллияте укучылары да катнаштылар.

- Бик уңышлы чыгыш ясадылар егетләр. Ирек Миңнехуҗин 60 килограммлы үлчәү авырлыгында 1 урынны яулады. Шул ук категориядә Илвир Сәхапов өченче булды. Данил Джунусов 90 килограмм авырлыкта көрәште һәм өченче урынга чыкты, - ди көрәшче егетләрнең тренерлары Алмаз Миңнехуҗин. 

Без райондашларыбызны җиңүләре белән тәбрик итәбез һәм киләчәктә дә уңышлар телибез.