21 февральдән Татарстанда QR-кодлар гамәлдән чыгарыла
Киләсе дүшәмбедә, 21 февральдә, коронавирус белән бәйле чикләүләрдә үзгәрешләр көтелә. Бу хакта Татарстан Министрлар Кабинетының карарында хәбәр ителә.
Элегрәк Роспотребнадзорның Татарстан буенча идарәсе җитәкчесе урынбасары Любовь Авдонина республикада QR-кодларны гамәлдән чыгару турында фикер алышулар хакында «кайбер чикләүләр үз актуальлеген югалта» дигән иде. Шулай итеп, 21 февральдән Татарстанда QR-кодлар гамәлдән чыгарыла.
Исегезгә төшерәбез, Татарстанда QR-кодлар буенча үткәрү системасы 22 ноябрьдән эшли башлады һәм җәмәгать транспортында кулланылды. 18 яшьтән өлкәнрәк кешеләргә вакцинация, медотвод яки соңгы ярты елда күчерелгән авыру турында QR-код күрсәтергә кирәк булды. Соңрак сәүдә үзәге, кафе, рестораннарга да QR-код белән керү тәртибе кертелде.
Следите за самым важным и интересным в Telegram-каналеТатмедиа
Нет комментариев