Матбугат үзәге сатып алучыларны татарча товарлар белән сөендерде

Матбугат үзәге дә ярминкәдән читтә калмады 
Кичә район үзәге Сарманда һәм бүген Җәлил поселогында үткәрелгән ярминкәдән Сарман мәгълүмат-мөхәррият үзәге хезмәткәрләре дә читтә калмадылар. Алар зурлар һәм балалар өчен китаплар, открыткалардан торган күргәзмә белән катнаштылар. Ярминкә халкы шулай ук район газетасы “Сарман”ның яңа саннары белән дә таныша алдылар. Халыкның район газетасы, татарча китаплар белән кызыксынуы аның милләтпәрвәрлеге, теленә, мәдәниятенә, әдәбиятына битараф булмавын күрсәтә.