Кичә Күтәмәле мәктәбендә дүрт укучыга кыңгырау соңгы тапкыр чыңлады
24 майда Күтәмәле мәктәбендә Соңгы кыңгырау бәйрәме үтте
Быел 9 сыйныфны 4 укучы тәмамлый. Аларны мәктәп директоры Рәдис Мәрдәншин, район Башкарма комитетыты җитәкчесенең инфраструктур үсеш буенча урынбасары Илсур Сәлимгәрәев, Яңа Имән авыл җирлеге башлыгы Рөстәм Гәрәев, сыйныф җитәкчеләре Ильмир Хөсәенов һәм Алсу Мәрдәншина, ветеран укытучылар Гөлүсә Мәликова һәм Раян Әхмәтбаев, әти-әниләре бәйрәм белән котладылар, имтиханнарда һәм алдагы тормышларында уңышлар теләделәр, грамоталар һәм бүләкләр тапшырдылар. Укучылар да җавапсыз калмадылар - алар матур җырлар башкардылар, барысына да рәхмәт белдерделәр. Ахырдан барысы да истәлеккә фотога төштеләр.
Следите за самым важным и интересным в Telegram-каналеТатмедиа
Нет комментариев