Районда беренче кар төште

"Сарман: иң яңа хәбәрләр", 29 октябрь 2018 - 14:46

1199

Табигатьтә үзгәрешләр берөзлексез булып тора. Менә беренче кар да яуды.

Ул бик матур иде. Кар агачларга, җир өстендәге үләннәргә ак күлмәк кидерде. Агачларда нинди генә төс юк: яшел, сары, кызыл, көрән һәм ак. Алар ак кар арасыннан тагын да матур күренәләр. Әллә инде кыш та җиттеме? Юк, бу − ак көз. Карлы көзнең беренче көне. Бу кардан әле чаңгыда шуып та, кар йомарлап атышып та уйнап булмый. Чын кышка ераграк әле. Борынгылар чын кышны, беренче кар яугач 40 көннән соң гына килә, диләр. Килсен генә, көтәрбез. Хәере белән генә килсен.